文英 糊塗裁縫師
阮是一個快快樂樂糊塗裁縫師
新奇服裝阮來設計裁刀來剪裁
請恁來試看覓 穿著真可愛
無論是先生小姐 請恁趕緊來
新潮派 新時代 功夫通人知 糊塗的裁縫師
口白：
來來來......,小妹姓糊名塗,全省通人知,我是有名的裁縫師。
彼當時梁山伯和祝英台,草茅相結拜,所穿的服裝對叨位來?
就是小妹去給伊剪給伊裁,相信恁去甲伊問看覓。
當今二十一世紀的新時代,流行是新潮派,查某囝仔的裙,講就要愈短才愈可愛,
但是穿迷你裙是尚驚做風颱,所以長裙才會在那彼時陣馬上流行全世界。
話擱講倒返來,不是我在漏下骸,那一日去遇著一個做戲的演員,
他找對我這來,剪一塊花仔布叫我就給伊剪給伊裁,伊講欲做一套奸臣的服裝穿上去舞台。
叫我著給伊做較可愛,而且工錢講欲青青菜菜。
好啊！你加青菜,我嘛青青菜菜給你剪給你裁,無十分鐘久,我就給伊做甲真可愛。
有一工伊穿我做的服裝去上舞台,馬勢一個測下去,哇！哭爸呀！褲底遂離西西,
台下的觀眾看擱笑咳咳,有的笑到漏下骸,有的笑到攬肚臍。
阿不擱導演在後台感覺真奇怪,探頭出來看覓,哇按呢欲哪會使,趕緊叫一個秀才,
臨時出去請伊入來,秀才出場大聲唉,「啟稟相爺,皇上有旨,命你速速回朝」。
彼個時陣的奸臣感覺真奇怪,這場戲著不是你應該要上台,為何你哪會給我走出來,
彼個時陣奸臣開嘴就問秀才,「有何貴事,快快奏來」,「啟稟相爺,城下和尚來作歹,
捨世捨眾不應該,皇上命你捉來殺,請你低頭來看覓」。
那彼時陣的奸臣就趕緊測一個馬勢,「待我觀來,啊呀大事不妙了,左右啊,
褲底離西西,趕緊入後台！」嘿！嘿！嘿！這攏是小妹不才,所做的服裝才會作怪,
可見我的手藝不醜,看恁欲外青菜或是外可愛,若不驚死作恁來訂做看覓,
就是為了按呢,大家不才會叫我糊塗裁縫師！
阮是一個快快樂樂糊塗裁縫師
新奇服裝阮來設計裁刀來剪裁
請恁來試看覓 穿著真可愛
無論是先生小姐 請恁趕緊來
新潮派 新時代 功夫通人知 糊塗的裁縫師 |
发表于 2009-4-4 21:48:38
发表于 2009-4-5 00:05:20
